प्रहारन्युज डेक्स

चेन्नई आइपिएलको जारी भारतीय क्रिकेट लिगमा फाइनलमा

मंगलबार चेन्नई सुपर किङ्सले सनराइजर्स हैदराबादलाई दुई वीकेटले पराजीत गरे ससँगै चेन्नई आइपिएलको जारी भारतीय क्रिकेट लिगमा फाइनलमा पुगेको छ।

जीतका लागि फाफ डु पेलिसको नटआउट ६७ रन जीतको मूख्य कारक बन्यो। उनले ४२ बलमा ६७ रन बनाएका थिए। अन्तिमसम्म रोमाञ्चक बनेको सो खेलमा उनले पाँच चौका र चार छक्का प्रहार गरेका थिए।

१४० रनको लक्ष्य लिएर जवाफी ब्याटिङका लागि मैदानमा उत्रेको चेन्नईले ५ बल बाँकी छँदा ८ वीकेटको क्षतिमा जित हासिल गर्‍यो।

वानखडे क्रिकेट मैदानमा टस जितेर चेन्नईका कप्तान मेहन्द्र सिंह धोनीले हैदराबादलाई ब्याटिङको निम्तो दिएका थिए।

हैदराबाटले कार्लोस ब्रेथवेटको नटआउट ४३ रनको साहारामा २० ओभरमा सात वीकेट गुमाएर चेन्नईका लागि छोटो लक्ष्य दिएको थियो। तर सो छोटो लक्ष्य पछ्याउन चेन्नईलाई हैदराबादका बलरहरूले एकसमय एकदमै हम्मेहम्मे बनाइदिएका थिए। अन्तिम ओभरतीर मात्रै हैदराबादका बलहरूले धेरै रन खर्चेका थिए।

चेन्नईको जीतका लागि शारदुल ठाकुरले पनि पाँच बलमा नटआउट १५ रनको योगदान दिए। खेलमा पेलिस म्यान अफ द म्याच घोषित भए।

© Copyright 2015-2018 Upama Sanchar P. LTD. All Right Reserved | Site by: SobizTrend Technology