करिश्मामाथि यति गम्भीर आरोप, होला त यस्तो ? कानुनी ढोका ढक्ढक्याउनेसम्मको तयारी !

करिश्मामाथि यति गम्भीर आरोप, होला त यस्तो ? कानुनी ढोका ढक्ढक्याउनेसम्मको तयारी !


प्रहार न्युज
  • बिहिबार, जेष्ठ १२ २०७९

  • काठमाडौं । केही महिना अगाडी नेकपा एमाले प्रवेश गरेपछि अभिनेत्री करिश्मा मानन्धर चर्चाको केन्द्रमा रहिन् । करिश्माको चर्चा दुईचार महिना त राम्रै सँग चल्यो तर अहिले उनीमाथि पार्टीकै नेताकार्यकर्ता देखि केहीले गम्भीर आरोप लगाउन थालेपछि उनी फायर बनेकी छन् ।

    बुटवलमा न्वारनको नामको खुलासा गरेपछि सुरु भएको उनको चर्चालाई स्थानीय तह चुनावको नतिजाले पनि पछ्याइरहेको छ । उनी बसोबास गर्ने गोदावरी क्षेत्रमा नेपाली कांग्रेसले जितेपछि अहिले सामाजिक सञ्जालमा करिश्माविरुद्ध ट्रोल भइरहेको छ ।

    करिश्मा एमालेमा आबद्ध भएपछि पार्टी पत्तासाफ भएको भन्दै समाचार र ट्रोल आएपछि उनी आक्रोशित पनि भएकी छन् । गोदावरी नगरपालिकामा एमालेले चुनाव हारेको दोष आफूलाई लगाइएपछि सामाजिक सञ्जालमा करिश्माले आक्रोशसँगै निराशा पनि व्यक्त गरेकी छन् । उनले आधारहिन आरोप लगाउनेक्रम नरोकिए कानुनको ढोकासम्म पुग्ने चेतावनी समेत दिएकी छन् ।

    करिश्मा लेख्छिन्– ‘जीवनमा कसैको नराम्रो चिताएको छैन कसैको नराम्रो गरेको छैन सके बरु आफूसँग भएको बाँडेको छु सबैको आवाज बन्न सकूँ, उहाँहरुको लागि केही गर्न सकूँ भनेर मानसिकतालाई पीडा दिने शब्द प्रयोग गर्ने अधिकार कसैलाई छैन नत्र भने कानुनी उपाय खोज्नुपर्ने हुन्छ आधारबिहीन आरोप लगाउनेहरु अँध्यारोमा हिंडिरहेका मानिसजस्तै हुन् ।’

    करिश्माको उक्त अभिव्यक्तिमा मिश्रित प्रतिक्रिया आइरहेका छन् । कतिपयले राजनीतिमा लागेपछि आलोचना सहने क्षमता जरुरी भएको बताएका छन् भने कतिपयले चिन्ता नलिन सुझाएका छन् ।

    प्रतिक्रिया
    नयाँ अपडेट
    धेरै पढिएको
    अन्य समाचार