नेपालमा प्रचण्डले ओलीलाई दिएको चेतावनीको झल्को दिनेगरी चीनले अमेरिकालाई दियो यस्तो चेतावनी

नेपालमा प्रचण्डले ओलीलाई दिएको चेतावनीको झल्को दिनेगरी चीनले अमेरिकालाई दियो यस्तो चेतावनी


प्रहार न्युज
  • बिहिबार, जेष्ठ १२ २०७९

  • काठमाडौं । जापानको भ्रमणका क्रममा अमेरिकी राष्ट्रपति जो बाइडनले स्वशासित टापू ताइवानलाई चीनले बलपूर्वक कब्जा गर्ने प्रयास गरे आफूहरु सशस्त्र रुपमा प्रतिरक्षामा उत्रिने बताए । बाइडेनको भनाइप्रति टिप्पणी गर्दै चिनियाँ सरकारको ताइवान मामिला कार्यालयले सोमबार अमेरिकाले चीनलाई घेर्न ‘ताइवान कार्ड’ खेलेको बताउँदै, ‘आगोसँग खेल्दा अमेरिकाको हात आफै जल्ने’ चेतावनी दियो ।

    यसैबीच, नेपालमा वर्तमान सत्ता गठबन्धन बन्नुअघि नेपाल कम्युनिष्ट पार्टी फुटेर नेकपा एमाले अध्यक्ष केपी शर्मा ओली प्रधानमन्त्रीबाट पदमुक्त भएपछि नेकपा माओवादी केन्द्रका अध्यक्ष पुष्पकमल दाहाल प्रचण्डले अध्यक्ष ओलीलाई आगो सँग नखेल्न चेतावनी दिएका थिए । प्रचण्डको चेतावनीलाई काउन्टर दिदै ओलीले आगोलाई १ बाल्टी पानी नै काफी हुने बताएका थिए । अहिले त्यस्तै सवाल जवाफ चेतावनी धम्की दुई महाशक्ति देशहरु अमेरिका र चीनबीच भइरहेको छ । चीनले अमेरिकालाई आगोसँग नखेल्न चेतावनी दिएपछि सामाजिक सञ्जालमा चीन र अमेरिकाले प्रचण्ड र ओली शैली अपनाएका लगायत टिप्पणी हुने गरेका छन् ।

    सिन्ह्वाले सो कार्यालयका प्रवक्ता झु फेङलियनको भनाई उदृत गरेको जहाँ फेङलियनले भनेका छन्, ‘अमेरिकाले यस्ता प्रतिक्रिया दिन रोकोस् । हामी अमेरिकालाई विगतमा उसले बेइजिङ र वासिङ्टनबीच तय सिद्धान्त उलंघन नगर्न आग्रह गर्दछौं ।’ एशिया भ्रमणको क्रममा टोकियोमा पत्रकारसँग भेटघाटमा बाइडेनलाई एक पत्रकारले चीनले ताईवानमाथि आक्रमण गरे अमेरिका ‘सैन्य रुपमा सहभागी हुन्छ की हुदैन’ भन्ने प्रश्न गरेका थिए।

    बाइडेनले केही सोचविचार नगरी ‘गर्छ’ जवाफ दिएका थिए। चीनलाई लिएर अमेरिकाको नीति बदलिएको हो भन्ने अकाृए प्रश्नमा बाइडेन ‘हामीले एक नीतिमा सहमती जनाएका छौं। यस विषयमा हामीले हस्ताक्षर नै गरेका छौं । तर त्यो कुरा बल प्रयोग गरेर हासिल गर्न सकिन्छ भन्ने सोच्नु ठिक होइन । ’

    सार्वजनिक सम्बोधनहरुमा बाइडेनले उत्साहित भएर औपचारिक नीतिभन्दा बाहिर गएको बोलेको घटना धेरै भए पनि ताइवानको प्रतिरक्षाबारे सधैं समान धारणा दोहोयाउने गरेका छन्।

    गत अगष्टमा सिएनएनले आयोजना गरेको एक कार्यक्रममा पनि बाइडेनले ताइवान कब्जा गर्ने प्रयास भए अमेरिकाले प्रतिरक्षा गर्ने बताएका थिए। ताइवानसँग सुमधुर सम्बन्ध भएपनि अमेरिकाले ‘एक चीन नीतिलाई’ स्वीकारेको छ। तर चीनलाई बल प्रयोग गरेर ताइवान कब्जा गर्न नदिने उसले भन्दै आएको छ।

    ताइवानसँग अमेरिकाको औपचारिक सम्बन्ध नभए पनि अमेरिकाले उसलाई ‘साझेदार’को रुपमा प्रस्तुत गर्छ । ताइवानले अमेरिकाबाट ठूलो परिमाणमा हतियार पनि किन्छ। तर चीन र अमेरिकाबीचको सम्बन्ध भने डोनाल्ड ट्रम्पको शासन यता तनावपूर्ण बन्न थालेको छ। ट्रम्पले अमेरिका र चीनबीचको सम्बन्धलाई रणनीतिक प्रतिस्पर्धाको सम्बन्धका रुपमा व्याख्या गर्न सुरु गरे । त्यसलाई बाइडेनले पूर्ण रुपमा अंगिकार गरे । बाइडेनको भनाइको स्पष्टिकरण दिए जसरी पेन्टागन अधिकारीले अमेरिकाको ‘एक चीन नीति’ नबदलिएको बताए ।

    प्रतिक्रिया
    नयाँ अपडेट
    धेरै पढिएको
    अन्य समाचार