ताइवानलाई लिएर चीनले दिएको धम्कीलाई टेडो नजरले पनि हेरेन टेरेन अमेरिकाले, अब त झन् खुल्लमखुल्ला यस्तो पो गर्न थाल्यो !

ताइवानलाई लिएर चीनले दिएको धम्कीलाई टेडो नजरले पनि हेरेन टेरेन अमेरिकाले, अब त झन् खुल्लमखुल्ला यस्तो पो गर्न थाल्यो !


प्रहार न्युज
  • शनिबार, भाद्र ४ २०७९

  • एजेन्सी – ताइवानलाई लिएर चीनले दिएको धम्कीलाई अमेरिकाले टेडो नजरले पनि नटेरेको नहेरेको खबर छ । अमेरिकाले चिनिया धम्कीलाई वेवास्ता गर्दै ताइवासँग झन् निकटतम सम्बन्ध गासिरहेको छ ।

    अमेरिकी प्रतिनिधिसभाका सभामुख न्यान्सी पेलेसीको विवादास्पद ताइपेइ भ्रमणपछि अमेरिका र चीनबीच तनाव बढिरहेका बेला अमेरिकाले ताइवानसँग व्यापार वार्ताको तयारी गरिरहेको छ।

    पेलोसीको भ्रमणपछि चीनले अमेरिकालाई गतिलो जवाफ दिने बताएको थियो तर अमेरिकाले फेरि सांसदहरुको टोली ताइवान पठाएको थियो। चिनियाँ चेतावनीलाई बेवास्ता गर्दै अमेरिकाले यतिबेला ताइवानको लोकतन्त्रप्रति समर्थन जनाउँन साङ्केतिक प्रयासस्वरुप वासिङटनले चीनको स्वशासित क्षेत्र ताइवानसँग विस्तृत व्यापार सन्धिका निम्ति वार्ताको योजना बनाएको हो।

    सभामुख पेलोसीको भ्रमणपछि ताइवानलाई तर्साउन बेइजिङले समुद्रमा मिसाइल प्रहारको सैन्य अभ्यास गरेपछि बिहीबार वासिङटनले व्यापार वार्ताको घोषणा गरेको हो।

    अमेरिकी व्यापार प्रतिनिधिको कार्यालयले बेइजिङसँगको तनावबारे केही उल्लेख गरेको छैन तर व्यापार र नियामक सहयोग बढाउन औपचारिक वार्ता हुन लागेको बताएको छ।

    एशिया–प्रशान्त क्षेत्रका लागि राष्ट्रपति जो बाइडेनका संयोजक कर्ट क्याम्पबेलले गत साता ताइवानसँगको अमेरिकी सम्बन्धलाई सघन बनाउने प्रयासस्वरूप व्यापार वार्ता हुनलागेको गत साता सञ्चारकर्मीलाई बताएका थिए। उनले ताइवानप्रतिको अमेरिकी नीतिमा कुनै परिवर्तन नभएको पनि स्पष्ट गरेका थिए।

    संयुक्त राज्य अमेरिकाको ताइवानसँग कुनै आधिकारिक सम्बन्ध छैन तर यसको अनौपचारिक दूतावासको काम ताइवानस्थित अमेरिकन इन्स्टिच्युटले गर्दै आएको छ। वासिङ्टनले चीन र ताइवानको हैसियतमा कुनै अडान नराख्ने तर उनीहरूको विवाद शान्तिपूर्णरूपमा समाधान गर्न चाहेको बताएको छ।

    सन् १९४९ को गृहयुद्धपछि चीन र ताइवान विभाजन भएका थिए तर चीनले ताइवानलाई आफ्नो क्षेत्र मानेर ‘एक राष्ट्र दुई प्रणाली’अनुसार त्यहाँ चिनियाँ शासन प्रणाली लागू गरेको छ। बेलाबेलामा बेइजिङले आवश्यक परेमा बल प्रयोग गरेर उक्त टापुलाई पुनःदाबी गर्न सक्ने चेतावनी पनि दिँदै आएको छ।

    अमेरिकाले पनि ‘एक चीन’ नीति पालना गर्दै आएको छ। उसले ताइपेइलाई चीन सरकारको रूपमा मान्यता पनि दिएको छ तर ताइवानसँग अनौपचारिक रक्षालगायत अन्य सम्बन्धलाई पनि कायम राखेको छ।

    प्रतिक्रिया
    नयाँ अपडेट
    धेरै पढिएको
    अन्य समाचार